Standart e-Viza 3 (üç) iş günü ərzində verilir.

Müraciətçiyə müraciətin nəticəsinə dair elektron poçt məktubu göndəriləcəkdir. Nəzərinizə çatdırırıq ki, müraciətçi elektron poçt məktubunu əldə edə bilmədiyi təqdirdə müraciətin nəticəsini www.evisa.gov.az/az/check-status internet səhifəsində yoxlaya bilər.

Təcili e-Viza bayram və qeyri-iş günlərindən asılı olmayaraq 3 (üç) saat ərzində verilir.

Müraciətçiyə müraciətin nəticəsinə dair elektron poçt məktubu göndəriləcəkdir.Nəzərinizə çatdırırıq ki, müraciətçi elektron poçt məktubunu əldə edə bilmədiyi təqdirdə müraciətin nəticəsini www.evisa.gov.az/az/check-status internet səhifəsində yoxlaya bilər.

e-Viza müraciətləri birnəfərlik, ailə (ən az 2, ən çox 10 nəfər) və qrup (ən az 10, ən çox 300 nəfər) olmaqla edilə bilər.

e-Viza alınması üçün zəruri olan məlumatlar bilavasitə sistemə daxil edilir.

e-Vizanın rəsmiləşdirilməsinə görə müəyyən olunmuş rüsum sistem vasitəsilə elektron qaydada ödənilir.

e-Viza müraciət etmiş şəxsin elektron ünvanına göndərilir.

Portalın operatoru funksiyasını Azərbaycan Respublikasının Prezidenti yanında Vətəndaslara Xidmət və Sosial İnnovasiyalar uzrə Dovlət Agentliyi həyata keçirir.

Portal vasitəsi ilə siz 3 addımda (müraciət et, ödəniş et və e-vizanı yüklə) e-Visa ala bilərsiniz.

Ölkədə qalma müddəti 30 günədək müəyyən edilən birgirişli elektron vizanın alınması üçün əcnəbinin və ya vətəndaşlığı olmayan şəxsin birbaşa portal vasitəsilə müraciət etməsi mümkündür.

Əcnəbilər və vətəndaşlığı olmayan şəxslər elektron vizanın alınması üçün Azərbaycan Respublikasına planlaşdırılan gəlmə tarixindən ən azı 3 (üç) iş günü əvvəl müraciət etməlidirlər.

Müraciətçinin pasportunun və ya digər sərhədkeçmə sənədinin etibarlılıq müddətinin bitmə tarixi verilməsi nəzərdə tutulan viza müddətinin bitmə tarixindən ən azı 3 ay artıq olmalıdır.

Dövlət rüsumu ödənildikdən sonra müraciətin qəbul edilməsi barədə bildiriş sistem tərəfindən müraciət edən şəxsin elektron ünvanına və istifadəçi ekranına göndərilir.

e-Viza üçün dövlət rüsumu 20 ABŞ dolları təşkil edir. Bu rüsum viza müraciətinə baxılması üçün tələb olunur və heç bir halda geri qaytarılmır.

Elektron viza müraciətlərinin emal edilməsi məqsədilə 5 (beş) ABŞ dollar məbləğində xidmət haqqı tutulur. Bu məbləğ elektron viza üçün 20 (iyirmi) ABŞ dolları məbləğində dövlət rüsumundan əlavə ödənilir.

Ödəmə əməliyyatlarının ancaq Visa, Mastercard və UnionPay üzərindən aparılması mümkündür. Kartın sizin adınıza olması mütləq deyil.

Azərbaycan Respublikasına gəlmək üçün əcnəbilərə və vətəndaşlığı olmayan şəxslərə verilən elektron viza blankının təsvirində Beynəlxalq Mülki Aviasiya Təşkilatının (İCAO) 9303 nömrəli sənədinin ikinci hissəsinin tələbləri nəzərə alınmışdır. Elektron viza blankı A4 formatdadır.

e-Viza blankının yuxarı sağ hissəsində maşınla oxuna bilən xüsusi kod yerləşdirilmişdir.

Əcnəbi və ya vətəndaşlığı olmayan şəxs bir neçə e-Viza aldıqda ölkəyə giriş etdiyi e-Viza blankı ilə ölkəni tərk çıxış etməlidir.

e-Viza blankı itirildikdə, portal üzərindən və ya elektron poçtdan yenidən çap edilə bilər.