Tez-tez Verilən Suallar | Azərbaycan Respublikası Rəsmi Elektron Viza Portalı

e-Vizanın nə kimi üstünlükləri var?

e-Viza internet əlaqəsinin olduğu istənilən yerdən asanlıqla əldə edilə bilər və Azərbaycan Respublikası səfirlikləri və ya konsulluqlarında, eləcə də Azərbaycana daxilolma məntəqələrində viza müraciəti üçün sərf edəcəyiniz vaxta qənaət etmənizə imkan verir (müvafiq hüququnuz varsa).

e-Vizamın etibarlılıq müddəti nə qədər olacaq?

e-Vizanın etibarlılıq müddəti 90 gündür.

Neçə nəfər üçün ailə müraciəti yarada bilərəm?

Ailə müraciəti minimum 2, maksimum 10 nəfər üçün yaradıla bilər.

Ailəm 10 nəfərdən çox isə nə etməliyəm?

Ailə üzvlərinizin sayı 10 nəfərdən çoxdursa, 2 və daha çox ailə müraciəti edə bilərsiz.

Neçə nəfər üçün qrup müraciəti yarada bilərəm?

Qrup müraciəti minimum 2, maksimum 10 nəfər üçün yaradıla bilər.

Uşağım mənim pasportuma qeyd olunub. Onun üçün ayrıca e-Viza müraciəti etməliyəm?

Bəli. Zəhmət olmasa, onun haqqında sizin pasportunuzdakı və tələb edilən digər məlumatları e-viza ərizəsinə daxil edin.

Beynəlxalq tranzit ərazisini tərk etməyəcəyəmsə viza almalıyam?

Xeyr. Beynəlxalq tranzit ərazisini tərk etməyəcəksinizsə viza almağınıza ehtiyac yoxdur.

CVV / CVC / CVC2 nömrələri nə deməkdir?

CVV / CVC / CVC2 Visa və MasterCard kartınızın arxasındakı imza zolağının üzərində yazılmış ədədin son 3 rəqəmidir.

Səyahət sənədimdəki məlumatlarla e-vizamdakı məlumatlar tam üst-üstə düşmür. Bu e-viza ilə Azərbaycana giriş edə bilərəm?

Xeyr, sizin e-vizanız etibarsızdır. Yeni e-viza almalısınız.

Səyahət sənədimdəki bəzi məlumatlarla e-vizamdakı məlumatlar üst-üstə düşmür. e-Vizamın etibarsız olduğunu bilirəm. Ödədiyim vəsaiti geri ala bilərəm?

Xeyr. Ərizəsindəki səhvlərə görə ərizəçi məsuliyyət daşıyır.

e-Viza ərizəsinə daxil etdiyim bəzi məlumatlara düzəliş etmək lazımdır. Nə etməliyəm?

Yeni e-viza müraciəti yaratmalısınız.

Xidmət haqqı nə üçün tələb olunur?

Xidmət haqqı beynəlxalq əməliyyatların xərclərini ödəmək üçün tələb olunur.

Kredit və ya debet kartım yoxdur. e-Viza rüsumunu ödəmək üçün hər hansı başqa üsul mövcuddur?

Xeyr. Yalnız kredit və ya debet kartı (MasterCard və ya Visa) vasitəsilə ödəniş edə bilərsiniz. Digər tərəfdən, kartın sizin adınıza olmasına ehtiyac yoxdur.

e-Viza müraciətim təsdiq edilmədiyi halda ödədiyim vəsait geri qaytarılır?

e-Viza üzrə ödənilən vəsait heç bir halda geri qaytarılmır;

E-viza üçün müraciət etdikdə pasportun etibarlılıq müddəti nə qədər olmalıdır?

Pasportun və ya digər sərhədkeçmə sənədinin etibarlılıq müddəti verilməsi nəzərdə tutulan elektron vizanın müddətinin bitməsi tarixindən azı 3 ay artıq olmalıdır

E-viza pasporta yapışdırılmı?

Elektron viza pasporta yapışdırılmır və əcnəbi və ya vətəndaşlığı olmayan şəxs tərəfindən çap edilərək Azərbaycan Respublikasının dövlət sərhədinin buraxılış məntəqəsindən keçərkən pasportla birgə təqdim olunur.

Əcnəbilər və ya vətəndaşlığı olmayan şəxslər neçə gün ərzində və hansı qaydada olduğu yer üzrə qeydiyyata alınmalıdırlar?

Azərbaycan Respublikasında 10 gündən artıq müvəqqəti olan (o cümlədən ölkə daxilində olduğu yeri dəyişdikdə) əcnəbilər və ya vətəndaşlığı olmayan şəxslər hər hansı dövlət rüsumu ödəmədən olduğu yer üzrə qeydiyyata alınmaq üçün elektron qaydada (Xidmətin rəsmi internet səhifəsinin - www.migration.gov.az – “Elektron xidmət” pəncərisində yerləşdirilmiş “olduğu yer üzrə qeydiyyata alınma” bölməsinə daxil olmaqla) və ya regional miqrasiya idarələrinə birbaşa müraciət etməklə qeydiyyata düşməlidirlər. Elektron vizada göstərilən müddətdən artıq ölkə ərazisində qalan və ya olduğu yer üzrə qeydiyyata alınmayan (10 gündən artıq qaldıqda) əcnəbilər və vətəndaşlığı olmayan şəxslər qanunla müəyyən olunmuş qaydada məsuliyyətə cəlb edilirlər.

E-vizanın verilməsində imtina edildikdə nə etməli?

Elektron vizanın verilməsində imtina edildikdə əcnəbilər və vətəndaşlığı olmayan şəxslər vizanın alınması üçün Azərbaycan Respublikasının müvafiq diplomatik nümayəndəliyinə yenidən müraciət edə bilərlər.

Azərbaycan Respublikasının ərazisini tərk etmədən yeni e-vizaya müraciət etmək olar?

Əcnəbilər və vətəndaşlığı olmayan şəxslər yalnız Azərbaycan Respublikasının ərazisini tərk etdikdən sonra yeni elektron vizanın alınması üçün müraciət edə bilərlər.

E-viza ərizəsinə dair məlumatları necə əldə edəcəm?

Elektron viza almaq üçün edilmiş müraciətlərin və ödənişlərin qəbulu barədə bildirişlər, habelə elektron viza verilməsi və ya verilməsindən imtina ilə bağlı məlumatlar müraciət edən şəxsin elektron poçt ünvanına göndərilir. Elektron poçt ünvanları barədə məlumatlar düzgün daxil edilməlidir.

E-vizanın etibarlılıq müddətindən daha artıq zaman Azərbaycan Respublikasında qalmaq istədikdə nə etmək lazmdır?

Siz Azərbaycan Respublikasının Dövlət Migrasiya Xidmətinə müraciət etməlisniz. Əlavə məlumatı www.migration.gov.az internet səhifəsinə ala bilərsiniz.

E-vizanın tətbiq edildiyi ölkə vətəndaşları Azərbaycan Respublikasının sərhəd-keçid məntəqələrində e-viza üçün müraciət edə bilərlər?

Xeyir. E-viza ərizəsinə Azərbaycan Respublikasına planlaşdırılan səfər tarixindən minimum 3 iş günü əvvəl müraciət edilməlidir.

FAQ / Tez-tez verilən suallar